Svijet

Španija prva na svijetu testira četvorodnevnu radnu nedjelju

MADRID – Španija bi uskoro trebalo da započne probni period četvorodnevne radne nedjelje koju je ranije ove godine predložila stranka Mas Pais, a ukoliko testiranje prođe kako treba i ideja bude potpuno prihvaćena, Španija bi mogla postati jedna od prvih zemalja u svijetu u kojoj je implementiran takav sistem.

Testiranje ovog pilot-projekta počeće na jesen, trajaće tri godine i u njega će biti uloženo 50 miliona evra kako bi se omogućilo da testiranje prođe uz minimalan rizik, piše Gardijan.

Stranka Mas Pais se nada da će u cijeloj državi vidjeti rezultate koje je postigla španska kompanija Delsol, a čiji radnici već neko vrijeme rade samo četiri dana u nedjelji.

Jasno je da način na koji radimo ljude stresira, prekomjerni rad ih umara i sve to ostavlja velike posljedice na mentalno zdravlje. Četvorodnevna nedjelja bila bi dobra za privredu, za radnike i za okolinu“, navela je stranka.

 

Tanjug